مالي غيرك ،،،، بقلم الشاعر جبار الشمري

مالي غيرك انتة بس تعرف شكوتي
ومنهو غيرك يفتهم حتة سكوتي
اذا يمي الليل أحسنة نهار
وينشرح صدري مثل رحلة قطار
من تخليني ترة يندهني موتي
مالي غيرك انتة بس تعرف شكوتي
يا حبيبي اهواية متعود عليك
وگلبي ملكك من يوم ما علقتة بيك
صرت ناسي صرت نفسي صرت أخوتي
مالي غيرك انتة بس تعرف شكوتي
مالي غيرك يلي حضنك چنة داري
روحي حبت روحك وهذا قراري
شوفت عيونك احس صارت سلوتي
مالي غيرك انتة بس تعرف شكوتي
تدري لو مرات اضيعك شنهو صار
شاعر وفرضوا علة شعرة حصار
راح اصيحلك احبك بعلة صوتي
مالي غيرك انتة بس تعرف شكوتي
مالي غيرك اعثر بلياك اني
واللة يوم تروح اظلن بس اعاني
بيك وحدك تستقر تثبت خطوتي
مالي غيرك انتة بس تعرف شكوتي .

.......جبار الشمري