تلاتين سنة ،،،، بقلم الشاعر محمد رجب ابو الهوى

في
 شرع مين...... شعر محمد رجب ابو الهوي
في شرع مين تظلمني ويا المظلومين.
تلاتين سنه ميت في كفني من سنين.
فاسي علي كتفي وارضي براح.
متحرمه عليه زي عمري اللي راح.
متلونه بعرقي اللي نازف م الجراح.
متسرطنه ف دمي بكل انواع السموم.
وف شرع مين احيا حياة الميتين.
يابلدي قومي واندهي ف ليل السكات.
فلاح وقاعد علي شط مسقه مخضره.
شادد علي وسطه حزام.  والله حرام.
وتوته مايله.  فوق راس الارض البراح.
فلاح بسيط ماهوش عبيط.
بقاعد علي شط احلامه بيخيط غبيط.
ضهره محني وقلبه مخلوع.
من جوه الضلوع.
مابلاش خنوع مبلاش نوطي  للظلم
راسنا وضهرنا.
والديابه بتعوي فوق كل السككك.
ومن زمان
كله تمام الخلق نامت من زمان.
والبطون فاضيه بتصرخ م الالام.
وطفل نايم ع التراب.
جسمه بيشد م الارض الرطوبه والنشع.
قلبه اتخلع.
ماشي بيحبي ع الحيطان.
وهدمته ‘متلونه بكل الخيطان.
معجون بميه معكره ياهلتري.
هو اللي ظالم ولا ضمن المظلومين.
والديابه زعقت فوق كل السككك.

الكل شاف.
الكل شاف.
الكل يدخل ويقفل عليه كل البيبان.
لما يعدي الصولجان. وف يوم صرخواالانبيا.
والاوليا والادعيا.
سمعوا الادان ثوره علي كل البيبان المتقفله.
اه يابلد.
تلاتين سنه صابر وايدي ف القيود.
تلاتين سنه صابر بزيل كل السدود.
تلاتين سنه نايم في قبري بحسرتي. 
والدود بياكل جتتي.
والضلمه تاكل غربتي.
والدنيا سامعه صرختي.
والنور مخاصم وحدتي.
تلاتين.     سنه..........
شعر محمد رجب ابو الهوي