احنه لعبات بس بينه حياة ،،،، بقلم الشاعر جبار الشمري

احنة لعبات بس بينة حياة
المشط ميت ويغاوي الزلوف
لاتعتقد گلبي اعمة ميشوف
ولسوي حلاة بجدر مزروف
بعد كلشي انتهة وكافي لهنا
نفسة الگلب حبك يگدر يعوف
كل خوفي چنت ما ارهم وياك
رهمت وياك لكن خضر الخوف
من اول ساف مايل ادري متصير
شحطلك ونگدر نعدل الطوف
يل عقلك مريض ابيش اداويك
الميت گلبة لتلومة اذا يحوف
يلگلبك امجرد من الأحساس
لو يرهملة چا لبستة نفنوف
كل ظنك اتقشمر بكلمة اهواك
يل تخذف اديك بكلشي معزوف
ترة اليغدر يبين كلشي يصرخ بيه
واعراض الخيانة وكلشي موصوف
ما اريدك بعد لو وآنة غرگان
لو نص البحر الگاك مشحوف
ليلي ما انامة وابقة سهران
ولا ذلن بحلمي وتمرني أطيوف.

.....جبار الشمري